Қостанайдағы кентке қала мәртебесі беріліп, Тобыл деп аталмақ


ҚОСТАНАЙ. ҚазАқпарат - Қостанай облысындағы Затобол кентінде осы елді мекенге қала мәртебесін беру және атын өзгерту мәселесіне арналған жергілікті қоғамдастықтың жиналысы өткізілді, деп хабарлайды ҚазАқпарат тілшісі.

«Бірінші мәселе бойынша жұрт бірауыздан шешім қабылдады. Екінші мәселеге орай жиналғандардың басым көпшілігі «Иә» деп дауыс берді. Еліміз картасында жаңа Тобыл қаласы пайда болмақ», - деп мәлімдеді Қостанай ауданы әкімінің орынбасары Болат Бекенов. Б. Бекеновтің айтуынша, жеті күн ішінде кент әкімінің аппараты жиналыстың хаттамасын жариялауы тиіс, содан соң атауын өзгерту бойынша жұмыстар жүргізіледі. Жиналыста жаңа қаланың тұрғындары құжаттарын ауыстыруына қажеттілік жоқ екені, олардың барлығының заңды күші сақталатыны айтылды.

inform.kz http://www.inform.kz/kz/kostanaydagy-kentke-kala-martebesi-berilip-tobyl-dep-atalmak_a3189237



Пікірлер (0)


    Пікірлер жоқ

Сондай-ақ, оқи отырыңыз

Батыс Қазақстан облысында бірнеше мектеп қазақы атауға ие болды

автор: Айгүл Мыңбаева, Батыс Қазақстан облыстық тілдерді дамыту басқармасының басшысы

Қаһарман Қосы батыр ұлағаты

автор: Дәулетбай Есімбеков, облыстық мәслихаттың депутаты, Тараз қаласы.